Health Benefits of Pipino

November 2, 2014

Ang pipino dili lang para sa salad, pwede usab gamiton para paputi sa panit, panindot sa nawong, ug pabugnaw sa mata.

Nabatasan nato nga ang pipino himoon ug salad kay kini lamian man gayud ug masustansya pa. Apan ang uban, gigamit ni nila para mugwapa tungod sa mga vitamina ug mineral niini nga para sa panit. Ang pipino adunay kakayahan nga murehydrate sa panit arun dili kini mukunot. Maayo kini gamiton nga tambal sa sunburn ug windburn arun mabugnawan ang panit ug mualim ang nasunog nga parte niini. Ako mismo muingon nga bugnaw ang imong pamati sa imong panit kung butangan kini ug pipino. Ang fresh sliced pipino pwede usab gamiton isip facial mask arun muhugot ug mubata ang panit sa imong nawong. Kung ikaw adunay problema sama sa eyebag, ibutang ang fresh sliced pipino sa imong mata arun mawala ang imong eyebag ug ang kolor itom nga tabon-tabon sa mata kay makapaputi usab kini.

Pipino gigamit arun mawala ang eyebag
Photo Credit: Pixabay

Pero kung ganahan nimu kan-on ang pipino, aduna gihapon ka makuha nga vitamina ug minerales. Ang duga o juice sa pipino makaayo sa imong ngipon ug gums, ilabi na sa adunay pyorrhea. Tungod niini, dili usab mabaho ang imong baba tungod kay ang fiber sa pipino mumassage sa gums. Ang pipino makatabang sa pagpahugo o weight loss, proper digestion, ug sakto nga blood pressure. Aduna usab mga pagtuon nga ang pagkaon ug pipino makatabang arun layo ka sa sakit sama sa cancer. By: ArcDel