Iya Villania, Kapuso Na Usab!

November 2, 2014

"So, it's official! Hello mga Kapuso," ang kompirmasyon ni Iya Villania sa iyang Instagram account. Nibalik na ang actress sa iyang home network human mipirma ug kontrata sa GMA Network niadtong Huwebes. Gihangop sa kadagkoan sa GMA Network si Iya ug kini gikalipay sa actress, gibati niya nga espesyal tungod sa presensya sa kadagkoan sa Network dungan sa pagpirma niya sa kontrata.

Si Iya nailhan sa mga Kapuso fans ilabi na sa nitan aw sa GMA program nga Click tungod kay Kapuso siya napulo na katuig ang nilabay, usa siya nibalhin sa ABS-CBN niadtong 2004. Nailhan usab si Iya isip host sa program nga Us Girls ug Gag U sa Studio 23 ,VJ sa Myx Channel, ug sa ASAP Mania sa ABS-CBN.

Iya Villania
Photo Credit: fanpix.famouspix.com

Enero niining tuiga, si Iya naminyo sa iyang nine-years boyfriend nga si Drew Arellano nga host usab sa programa nga Byahe ni Drew sa GMA.

Sigurado nga gikalipay sa mga Kapuso fans ni Iya nga anaa na siya karun sa GMA, apan masulob-on usab ang Kapamilya fans. Mas maayo siguro nga mofollow nalang mo sa iyang Instagram. By: ArcDel